连诗雅被旧爱出轨1年心中留刺 虾头接受另一半召妓
连诗雅（Shiga）同虾头（杨诗敏）主持的网台节目《丝打围炉》最新一集请来卫诗雅（Michelle）担任嘉宾，三个女人一个墟，两人继续探讨两性关系，而今集主题系剖析“出轨男”，连诗雅大爆曾经被男友出轨，更足足一年时间：“我就唔知点样，系完全冇check底下，啲嘢系boom一声喺我面前发生，我知道咗之后同佢讲咗句，我话‘我知道喇’，佢话‘系呀，咁又点呀？但完咗㗎喇。’”虽然感情完结，但Shiga对人就失去信任，心中有条刺：“慢慢觉得对住呢个人好可有可无，因为佢令我好失望。”
3人又探讨“精神出轨定肉体出轨？”的问题，卫诗雅表示不能接受另一半肉体出轨，但Shiga反而宁愿对方肉体出轨：“我会宁愿佢好诚恳同我讲，可能佢唔知做乜嘢，鬼揞眼或者饮醉咗，或者畀人强奸咗之类嗰啲，一下子嘅话呢，我可能真系会原谅佢。如果佢真系锺意咗第二个呢，我会不断地谂，好喇，咁你返转头，你会唔会又锺意第二个呢？其实原来你已经唔系好锺意我，或者系无论我再做啲乜嘢，可能已经唔会再得到你100%嘅心。”
而虾头就自言宁愿另一半召妓，都不想对方精神上出轨，不过卫诗雅对于另一半召妓就表现得十分抗拒：“唔得呀，真系唔得，一嚟污糟啦，二嚟我会觉得你连呢一样嘢你都控制唔到，你系控制唔到你自己人生喎，你嘅自制能力好低呀！好嬲呀！佢人生唔会成功呀！因为佢去叫鸡！”
