被寸扮幸福 汤怡狂晒家庭照反击…

被寸扮幸福 汤怡狂晒家庭照反击:冇BB都会结婚

艺人汤怡同排舞师老公麦秋成拍拖半年就奉女成婚,去年6月诞下爱女“麦QQ”,依家佢就做在职妈妈,边拍戏同时又凑BB,为咗Keep人气佢亦周不时同粉丝玩“你问我答”,点知近日有口臭网友竟留言指:“你觉得麦大秋出面有几多个女人,你扮幸福扮得好假,枉你仲系演员。”

汤怡即贴上幸福家庭照,仲Nice爆咁回覆对方:“多谢一直有一少撮人一直都特别关心我哋嘅婚姻,我系一个演员,自问演技唔系特别好,所以我真系唔知点扮亦唔识扮幸福,作为演员我系要研究一下嘅,多谢你嘅提点,而我哋嘅婚姻生活,只可以讲‘时间会证明一切’,谢谢。”

唔知系咪被网友嘅留言激亲,之后佢嘅回覆都多次提起佢嘅家庭生活,好似晒出多张同囡囡嘅合照,大谈喂人奶同产后减肥Topic,仲晒出麦秋成当时求婚嘅Backdrop相,加上网友提问“如果唔系有咗,会唔会咁快结?”,汤怡即留言反击:“唔会,但大家讲过两年后都会结。”讲到明二人一早有晒结婚Plan。





Leave a Reply

Your email address will not be published.