我要上春晚︱陈贝儿捞过界 挑机汪明荃经典歌
因主持TVB电视专题及纪录片《无穷之路》后而喺内地工作不断嘅陈贝儿，忙到连最佳女主持都唔得闲返嚟香港攞，而佢仍然身在内地工作，近日更获邀参与央视《我要上春晚》节目，今次就唔系做主持，而系献唱，佢仲拣咗汪明荃（阿姐）经典金曲《万水千山总是情》，佢喺社交网说：“这首歌大家会唱吗？我还是第一次这样公开唱歌、请多多指教，感谢央视《我要上春晚》邀请、这是一次很难忘的经验。爱上唱歌了 ，也非常感谢我TVB的师兄们给我无限支持和鼓励！”
然后佢仲将片段Send畀阿姐睇，佢话：“寻晚《我要上春晚》节目播出之后我畀咗汪阿姐睇。阿姐好好人，话好听。好彩！零唱歌经验的我一直在紧张一直在苦练、多谢邀请。”而网民都大赞“估唔到陈贝儿唱歌咁好听！”
另外，今日（30日）陈贝儿又再度飞到上海工作，佢喺社交网上载机场相，留言：“哈啰上海 ，人生如逆旅、我亦是行人。工作的节奏、落机赶去开会彩排。”
