同杨明“嫁”期冇变！庄思明望挥走疫情大宴亲朋
艺人庄思明近日跟食肆同事一齐食团年饭，答谢他们一年来辛苦工作。由于疫情关系，思明未能返回马来西亚跟父母过节，只有胞姐庄锶敏在港，她有意趁人少少由她亲自下厨为家人炮制团年饭：“以往都系叫盆菜或者由妈妈煮，今年我想试吓一个人负责，预计会煮虾、金蚝、鱼呢啲好意头菜式，同埋一啲冷盘。”
另外，提到疫情已持续逾2年，身为食肆老板之一的思明也叫苦连天，为吸引顾客除了推出盆菜及不同糕点外，最近还出埋米线套餐，她直言：“好多谢员工同拍档，大家都挨得好辛苦，冇谂过疫情会咁耐，最初外卖都做得唔错，后来愈来愈多食肆做外卖，竞争好大。（禁晚市堂食影响大？）系成个大环境，我冇谂过对我哋打击得咁紧要。”
思明无奈表示之前都要裁员及关闭分店：“我哋只系裁咗好少人，希望用对员工伤害最少嘅方法去节流，唔想靠裁员去维持，有啲店租约期满，我哋会唔做，主要系租金太贵，最大机会结业系湾仔分店，我讲个租金出嚟大家都会哗一声，真系唔合理。大家好来好去，挨完就走，仲有半年租约。不过做生意就系咁，边个想蚀。最差嘅打算系，就算唔做，都希望对员工嘅伤害都想减到最低。”
对于新一年展望，思明希望疫情早日过去，大家身体健康，工作方面，她笑言：“我想花多啲时间喺幕前，啲人以为我息影呀﹗因为呢两年太多事情要处理。希望新一年新开始，所有嘢顺顺利利，重新出发。”
至于结婚大计，她坦言预计年底：“结婚都想大宴亲朋，如果疫情仲系咁，摆唔到酒只能签字，最想系大家开开心心去饮。”
