落闸同游嘉欣冇发展机会 林正峰大爆…

落闸同游嘉欣冇发展机会 林正峰大爆:佢都多人追

TVB艺员林正峰与游嘉欣多次在剧中饰演情侣,一直盛传二人“挞着”,近期正峰宣布与拍拖3年的女友Yuki甩拖,正峰与嘉欣被发现同游大澳,绯闻更似层层。林正峰今日(31日)下午在数码港为TVB剧集《回归》、《曙光》拍摄外景。

讲到绯闻,他说:“大家都系同事、好朋友嘅关系,因为想影相放上社交网,喺疫情2人限聚令下,所以先两个人去咗大澳影相。(回复单身有冇机会发展?)唔会,大家系朋友,好难发展成情侣,因为大家都冇feel。(阻住游嘉欣令佢冇人追?)唔会,我觉得佢都会好多人追嘅,其实识我哋嘅人都知道我哋只系朋友,因为呢两年拍咗4、5套剧都系做情侣,但系我哋只能够系银幕情侣,真实就难啲。”

讲到与女友分手,正峰指是因了解而分开,因大家价值观、性格也有磨擦,觉得没有将来,对方提出分手,他说:“我都有挽留过,但系唔成功,咁都冇办法惟有分开,都伤心咗两个月,靠工作、散心慢慢复原。”早前确诊的他指已经康复,并没有发现后遗症,不过可能留在家太耐,现在变得容易攰,会多做点运动。



Leave a Reply