港姐亚军杀入《爱．回家》 硕士梁凯晴沦为布景板
TVB处境剧《爱．回家之开心速递》长做长有，仲有唔少“港姐帮”加入，好似上届港姐冠军谢嘉怡及2019年港姐季军古佩玲咁，角色都大有发现，近日原来再有新港姐杀入剧组，就系应届港姐亚军梁凯晴（Carina）！
有网民于日前播出一集发现其身影，不过佢就全程冇对白，只坐喺“初恋Cafe”做“细龙生”郑世豪背后一枱嘅食客，虽然只系布景板，连特写都冇，但其靓样已经劲吸睛，迅即成为网民焦点。
其实有“健硕麦明诗”之称嘅佢选美时已经非常亮眼，佢唔单止颜值高，学历仲非常有料，于萨里大学（University of Surrey）酒店管理学毕业后，再于香港城市大学市场学系硕士毕业，专攻市场管理范畴相关的数据分析研究，虽然贵为硕士生，但佢亦唔介意由低做起，除客串《爱》剧外，据知仲会喺剧集《隐门》饰演护士。
