陈安立求婚成功 前《东张》女神林希灵准备做人妻
前《东张西望》主持人林希灵（Agnes）早前离巢TVB，过档香港开电视做主持，但原来佢今年唔止事业上有新发展，感情上更有新突破，呢日佢宣布获ViuTV男友陈安立求婚成功，准备升呢做人妻！
2人分别于社交网大晒求婚当日嘅靓相，见陈安立喺海旁向女友求婚，并为佢戴上婚戒，场面浪漫，陈安立忆述求婚时嘅情景：“求婚时候，我边拿着手机，边説着情深説话。一直以为有录影，却原来从没有Roll机。无办法，惟有用馀生慢慢再説。”而林希灵亦和应：“我最好的朋友，馀生请多多指教。”
林希灵获男友陈安立求婚，她说：“多谢大家祝福，佢求咗婚喇，但求婚过程都几搞笑同埋虾碌啰。”首先安立约求婚布置的人约错时间，本身是约夜晚，点知求完婚第二朝布置的朋友先到，她笑说：“佢临求婚之前，不停问我有冇新年愿望，原来佢想我讲新一年做人妻，但我又唔知，咪讲身体健康、世界和平之类，见佢呆咗，支吾以对拎戒指出嚟，我先知佢想求婚。”
她又笑安立一直拎住手机，想纪录求婚过程，但求完婚搞完一大轮先发觉，一秒都录唔到，她笑说：“我觉得今次真系好搞笑、够晒难忘，我相信会一路记住。”她透露他们已预订了年尾结婚和摆酒。
