阔别近百集终于“回家”！张景淳回归即同大小姐开火
艺人张景淳凭处境剧《爱．回家之开心速递》“龚烨”一角深受网民喜爱，惟去年尾有指佢经常迟到，而被TVB高层曾励珍“照肺”兼飞出剧组，直至上月有传解冻成功，但剧集始终一直未见其身影，令唔少网民担心其“回家”路再有变数，而昨日（9日）播出一集张景淳终于“回家”，亦系相隔90多集后终于出现。
剧情讲到佢准备回港时喺外地遭逢战乱，又被“大小姐”林淑敏取消其头等机票，令佢折腾足足76小时先成功返港，同现实中嘅“回家”路一样咁难行。之后佢为咗同“大小姐”斗气，刻意向其对头人示好，但无奈最终都系要靠“大小姐”出手，先避免再被调走，其中一幕“大小姐”直斥佢“契弟”，张景淳又回敬叫佢“八婆”，充满火花，获网民大赞张景淳状态大勇，回归后演技再跃进，而佢亦喺社交网晒出该集剧本以及收睇播出嘅照片，多谢大家嘅支持，并标签上“93days”，记录事隔93日再次开工的感受。
