靠女友独守空帏 沈震轩过百万“宝贝”任陈欣妍砌
艺人沈震轩最近内地工作后回港，早前闷闷哋佢就晒过家中过千尺超豪华健身室，唔知系咪放假冇咩嘢做，寻日（9日）佢就决定晒出过百万嘅“宝贝”，自揭系一位模型迷。见佢晒出嘅片中，见到多个饰柜都摆满大大小小嘅模型，当中最震撼就系佢其中一个摆有至少有超过200只Marvel和DC系列角色模型嘅巨型饰柜，有网友就睇得出佢每个Collection都价值不菲，夹夹埋埋都至少花费接近过百万，仲未计佢特别打造嘅模型柜价钱，真系睇到男士们都流晒口水！
佢又自爆去内地工作期间，啲模型都系交由索女友陈欣妍（Shirley）看管，见到佢偷拍Shirley“照顾”啲模型时，竟然拎起两只模型互相打架，真系睇到沈震轩个心离一离：“每个男人都有一个英雄梦，每次欣赏佢哋嘅时候，都不禁令我回想起电影中画面，我平时都唔舍得拎出嚟玩，打扫时候都会小心轻放，幸好我唔喺香港嘅时候有人帮我照顾佢哋。”
