冯允谦个唱加场 终极目标出年做老衬
唱作歌手冯允谦（Jay）将于7月2至4日于九展举行演唱会，他今日（12日）出席活动时宣布再次加场，他开心地说：“好感恩，最初同公司倾系开2场，公司话优先订购反应好，所以决定开3场，点知公开发售喺一日内卖晒啲飞，所以依家再加多一场。
之前好多朋友都话买唔到飞，依家加场，希望大家都睇到。公司畀好多信任我，同对我好有信心，开多场真系唔简单。我依家要努力操弗啲同保养好声带。”
问到是否为骚肌而操弗身形？他笑言不一定骚肌：“粉丝话我唔需要除衫，佢哋怕我冻，话会带定羽绒畀我，又话如果有人叫除衫，佢哋会大叫着番衫。”Jay透露除了准备个唱外，还有其他工作，要努力写歌还歌债给其他歌手，问他是否赚不少？他谦称：“唔系，我要努力啲，我有个目标想结婚，希望尽快啦！（出年结？）希望啦！依家专注演唱会先。”
同场的歌手张天赋（MC）被问到是否在颁奖礼得奖后，多了不少品牌活动？他否认：“其实唔系，因为之前疫情所以停咗，依家疫情缓和所以多番。我都昵埋屋企好耐，希望多啲机会表演同唱歌畀观众。”
他表示计划今年内举行演唱会，详情未能透露：“场地当然愈大愈好。（有咩要筹备？）出多啲歌，仲有开咗好耐嘅空头支票，跳舞同减肥，我减肥系戒淀粉质同甜，但愈冇得食就愈想食，我减咗2日，但今朝已经破咗戒，今朝着裤都有啲困难，所以都需要减。我依家一星期上一堂跳舞，迟啲会密集啲。”
