容祖儿传加盟《声生不息》 周柏豪身处内地如箭在弦
内地音乐真人骚《声生不息》大受欢迎，近日网上有传男女两队各新增两位歌手，女队分别有靓声天后容祖儿以及谷娅溦，而男队就有型男周柏豪同内地人气男团TFBOYS成员王源， 引来唔少网民热烈讨论。
而周柏豪嘅社交网近日亦贴出疑似系隔离饭盒嘅相片，IP更显示喺广东，佢喺贴文写到：“这个叫藕带还是藕簪？超好吃超好吃。”令唔少网民不禁猜测佢应该喺内地隔离紧，仲话佢参与节目嘅可能性非常大。
而同属TVB Music Group嘅谷娅溦，喺社交网嘅IP亦显示为“湖南”，因此佢参与节目嘅可能性都相当高。另外，网传节目将有新玩法，令唔少网民都直呼好期待呀！
