朱千雪仙气侧面图Chur爆人气 竟然概叹冇得执相
已淡出娱乐圈嘅前港姐朱千雪（Tracy），就算鲜有现身幕前，都Keep住高人气，早前就成为“网民最爱Top10”，估唔到佢寻日（11日）晒出一张侧面相都成功引起网上哄动。原来佢晒出一张由好姐妹汤洛雯操刀嘅仙气照片，相中佢只晒侧面都已经令网友嗌晒救命，完美靓样绝对系顶级，简单一个侧面都已经系仙气尽渗，千雪写道：“最难影得靓嘅相应该系证件相…因为冇灯光，冇笑容，冇执相。嚟紧换身份证，今晚post张靓汤帮我影嘅靓相先。”大家先知原来女神都有烦恼，面对影身份证嘅“死亡证件相”，佢都好想有打灯同P图。
