周嘉洛劝交殃及池鱼 江嘉敏跌出马…

周嘉洛劝交殃及池鱼 江嘉敏跌出马路险被车撞

周嘉洛、江嘉敏、郑子诚与戴耀明等人,日前拍摄TVB回归剧《神奇的灯泡》,剧情讲述嘉洛做和事老劝交,最终被打埋一份,齐齐骨牌式跌出马路,江嘉敏更差点被经过的车辆撞倒!

郑子诚与戴耀明当日在街头大打出手,路过的周嘉洛与江嘉敏劝交不果,被卷入混战,结果齐齐跌出马路。为求逼真,众人多次试位,虽然地面铺上垫褥,但前后拍了超过20个Take,挞到“摊摊腰”!

问是否挞到惊,江嘉敏说:“我几乎每套戏做得最多嘅动作,就系畀人打同畀人挞,我已经系一个动作演员。(点解?)佢哋话我个样唔够英,似欠打嗰啲,叫我都系Keep住畀人打,哈哈!”

练功夫“报仇”
不过,她在另一剧集《新四十二章经》有不少动作场面,事前特地集训半年,终于得偿所愿可以打人:“有练剑、棍同打功夫,练咗咁耐唔好嘥,所以强烈要求畀我试吓打,佢哋话‘好啦!畀人打之前,畀你耍两下啦!’”

至于周嘉洛早前拍摄剧集《回归》已有动作场面,今次再拍打戏,问是否转做动作演员?他笑说:“未尝不可,不过未谂过,哈哈!自己知自己咩料,冇底子,系好动啲啫!(搵你拍打戏呢?)打,乜戏都接!(有冇试过做和事老被打?)劝交就有,有时阿妈、阿妹嘈交咪劝吓,不过通常都收唔到科。”又自爆曾差点撞车:“细个乱过马路,以为自己好快,点知差啲畀电单车撞。(畀阿妈打到飞天?)冇话畀佢听,你系第一个知,哈哈!”






Leave a Reply

Your email address will not be published.