何晋乐同文凯婷飞马国过生日 自爆被欺凌踢落楼梯
艺人何晋乐（Rock）今午（31日）现身电视城，录影《劲歌金曲》，与Live Band合唱自己的励志歌曲《无证骑士》。谈到此歌创作，他透露差不多准备了10个月：“系呢个时候，我觉得一首能够勉励人嘅歌，紧要过情歌。而呢一首歌有我嘅初心系入面，畀观众更加了解我。”
他指自己当初约经理人及制作人坐低，听他说故事：“细个嘅时候成日畀人虾，想保护身边嘅人，但又唔够人哋大只同恶，之后去到外国读书性格好孤僻，喺呢个时候发觉音乐可以治愈到人嘅心灵。”
问到他有何较深刻的欺凌事件，他说：“试过被同学起飞脚踢到碌落楼梯，返屋企唔敢同父母讲，点知因为校服有个鞋印被揭发，佢哋好唔开心。跟住我去咗英国读书，冇人冇物同样被虾，但虾我嘅竟然系当地土生土长嘅华人，差唔多上到初中情况先好转。”Rock表示幸得家人鼓励，才自强起来。
谈到稍后将与文凯婷出发到马来西亚，为《声梦2》海选演出，Rock说：“会喺我生日之前出发，预先会留两个礼拜。（粉丝提早为你庆生？）系呀佢哋约咗我，不过我相信26岁正日生日（6月24日）只可以对住文凯婷嘞。”
