冯允谦计划返加国 陪唔到女友去闺蜜婚礼被诈型
歌手冯允谦今午（31日）录影《劲歌金曲》，他说：“宣传新歌，呢首歌本来好夏天，但歌词有啲伤感，系讲疫情下大家冇得去旅行。（你都好想飞？）好想，谂紧完骚（7月演唱会）之后睇吓可唔可以放假，不过如果有工作都会做嘢行先。我好怕有空档期，留喺香港最好日日填满佢，我其实好少要求放假。”
问到是否计划返加拿大探我女友，他说：“都想，不过佢明白我有嘢做。（请佢嚟香港睇演唱会？ ）佢唔得闲呀，本来3月开骚都仲得。（有嘢紧要得过你？）佢个闺蜜结婚，亦因为咁，佢都诈到我型。”
谈到演唱会的彩排情况，他表示已启动：“等咗10年先做到，一定要尽最大嘅努力，不过我好担心跳舞，自己啲筋好硬，又觉得唔协调，而且要记舞步又要记歌词实在难。（叫同公司嘅郑欣宜帮手？）佢太劲嘞，我惊影衰佢。”
