江嘉敏事业心重 忽然转Look频频低胸表决心
TVB小花江嘉敏3月时同电竞高层男友Anthony分手，自始佢就打开新“世界大门”，唔再沉浸爱情世界嘅佢，唔再力Sell清纯形象，转行成熟性感路线，多次罕晒事业线，以表明专心闯事业嘅决心。
继佢本月初以低胸战斗格袭马场，翻风都唔怕冻亲咪咪之后，今次佢就托好友Book位战高级料理，可能见出入富贵地方，佢都知衣着要Sharp醒配合场地，忽然嚟一身迫爆身材Deep V衬短打，美腿、事业线全部有齐，又自爆食劲多嘢，明明有心骚Quali但就话自己肥咗，睇嚟佢有心开始“营业”，狂Post索相吸粉丝。
