星岛网：陈凯琳PO庆生相唔避忌 龙凤胎细佬Derek佔两张合照
陈凯琳（Grace）的龙凤胎细佬Derek，因为混血外貌而被林作不停挑机，以1,000万元要求陈爸爸与Derek验DNA证父子关係。事件扰攘多时，至Derek宣佈离开香港而暂告一段落，至于Grace就完全冇受事件影响。
昨日（30日）她于社交网贴出一系列的家人及朋友同佢庆祝31岁生日嘅照片，当中除了跟老公郑嘉颖的甜蜜合照，与闺密刘颖镟和龚嘉欣的玩乐照片，亦有跟Derek及家姐Joyce的三姊弟合照。
Grace过咗一个好快乐嘅生日月，PO相之馀亦有感而发：“六月真係一个好月份，可以同家人合照，同老公一齐过，试食好味新餐厅，同最好的朋友相聚，收到大量的鲜花及有意义的礼物，感谢大家的生日祝福。”
Grace藉着家庭照力证一家人情不变，不过有酸民留言表示：“呢段时间，唔po家庭照好过 po，证明你哋十分介意”、更有人继续将焦点放在姊弟的样子上：“其实大家姐同细佬都有啲似样吖”。
