星岛网：独家丨谭俊彦望三代同堂去旅行 珍惜跟家人相处时光
谭俊彦（Shaun）最近首次出任月饼代言人，广告中他饰演经常离家工作父亲，传统节日特别想回家跟家人团聚，他认为正是他生活写照，亦令他想到小时候离港留学时，家人不在身边的感受，所以现在会特别珍惜跟家人相处时光，更期待疫情退去，可以三代同堂去旅行聚天伦。
採访：杜杜 摄影：沈健程 髮型：Franco Chung@Leonardo 3 HairCorner 化妆：Soie Ip 服装：Theory 场地：Lawry’s The Prime Rib, HK
首次为传统食物代言，令Shaun特别兴奋，“拍广告时，我一闻到莲蓉味，就谂起细个同公公婆婆一齐过中秋，谂到嗰种味道就会谂返起同亲人最开心嘅时候，疫情维持咗咁耐，可以好正能量咁参与到呢个广告，带到一啲亲情讯息畀大家，我都好荣幸。”
靠听屋企直播撑住
Shaun经常要长时间离港工作，早前到内地为剧集《隐娘》开工加上要隔离，一去就大半年，他直言很挂念家人，幸好现在科技先进，所以更加明白当年父亲狄龙感觉，“我同爸爸都係做嘢时会好专注工作，所以𠵱家我明白佢嗰时係冇办法，仲要冇咁多科技，电话都讲唔到，我𠵱家仲可以视像已经好好多啦！我会一路同啲小朋友沟通，参与屋企嘅运作，譬如做gym、跳步，我都会一路开住视像，睇唔到都听住佢哋把声，听吓个仔练琴，起码觉得成个屋企係撑紧我。”
曾离家一个人到外地读书的Shaun，直言是个不能单身生活的人，所以当了爸爸后，会更加珍惜跟家人相处时间，“我承认做咗爸爸后，会比较想同爸爸关係更好，以前啲人成日话我係爸爸嗰仔，好似个阴影咁，𠵱家我觉得，人哋愈讲我愈会揽住我阿爸𠻹！因为佢𠵱家身体仲好好，又可以三代同堂，成件事唔会理人哋点讲，我淨係想好好享受呢个阶段。”
现在他最希望疫情完结，请晒全家去旅行，“但係𠵱家呢个係大事嚟，之前我本来有邀请过佢哋去日本嘅，但係最后冇去到，爆疫情之后都冇机会三代同堂去，但係呢个隔离我真係完全计划唔到。”
