明报OL：下流上车族｜鲍起静日文戏即学即演林景程被激发泪水
林敏骢、江美仪、鲍起静、郭柏妍等主演的无线台庆剧《下流上车族》，昨晚一集毓霞（鲍起静饰）与家宝（林景程饰）两母子关系再起变化。随着狗狗次郎走失，似有所顿悟的毓霞借意引家宝回家，透过视像请求新抱拍下她向亲家老爷道歉片段。不谙日文的毓霞拿着写满中文拼音的猫纸，逐只字以日文读出内容。
她说︰「抱歉，我错了，我对你的女儿不够好，请你宽恕……我只有一个儿子家宝，我一直不懂管教，但他做事肯学肯挨，希望你多给他机会，不要再骂他，拜托你了。家宝只要得到家人支持，他便可以做好女婿、丈夫及父亲的角色。」毓霞以有限的日文，表达出对儿子无限的疼爱，在旁的家宝亦被阿妈的突变感动，眼湿湿说：「我咁大个仔，未听过你同人道歉，你今次仲要系为咗我同人道歉……」两母子最终和好如初，场面感人。
鲍起静（鲍姐）再献神级演技，就连以日文讲对白都渗出戏味。讲到这场日文道歉戏，鲍姐说︰「好彩当日有个幕后日文好叻，渠喺现场教我点讲啲日文，即场教即场演。我以前都有睇开日剧，所以啲音都系听惯听熟，所以好容易学。」
问到讲日语演戏会否影响情绪表达，鲍姐笑言：「其实只系将日文写成中文拼音嚟演绎，同埋角色本身日文唔叻，读慨时候梗会窒窒吓，但系为咗个仔唔识讲都要讲，呢个就系角色真实慨情绪。」
凭「衰仔」角色入屋的景程，透露拍摄该场戏前特意独处培养情绪。他说︰「正式拍嗰时冇想像中咁辛苦，因为100%畀鲍姐牵动咗个情绪，渠真系畀到一个老人家好用心去学日文慨感觉出嚟，听住渠读嗰段日文好感动，我啲眼泪好自然咁流出嚟，拍之前冇设计过几时要喊出嚟，完全系感受住鲍姐啲戏去演。」
景程又指幸好该场喊戏一Take过完成：「对我嚟讲系好舒服，如果要我喊多几次，可能都冇第一个Take演得咁好，但对鲍姐嚟讲就冇咩难度，佢好多场戏好似开水喉咁，话喊就喊到！鲍姐拍呢场戏前，仲同紧工作人员谈笑风生，但渠一入咗个角色个情绪就已经喺度，佢唔系演紧个角色而系活紧个角色，每一场戏都令我叹为观止。」
