明报OL：郑伊健疑借篮球念故友 尾场骚哽咽 叹疫情令人变冷漠
郑伊健昨晚举行尾场红馆演唱会，获冯德伦与舒淇、钱嘉乐与汤盈盈两对恩爱夫妇拍住拖捧场。伊健全晚落力跳唱至全身湿透，有观众大叫「除衫」，伊健婉拒笑称自己不是脱衣女郎。舞台旁边放了一个印有「Wilson」字样的篮球，令人联想到伊健的已故好友、前年病逝的监制钱国伟。伊健唱完《我的歌》后，便将篮球带回后台。
谈到今次的演唱会主题和编排，伊健表示︰「相隔3年多再开骚，变化好大，好多嘢发生咗，大家都估唔到，好多冲击，所以我哋用特别慨方法将世界时事演一次，希望大家用一种抽象形式去感受。我相信大家学识一样嘢，就是珍惜。至于见到3个火桶，大家有好多谂法，我就好简单，只谂到烧嘢食。每次见到燃点起火，我就谂到一个愿望，希望大家下次睇演唱会唔使戴口罩。另外慨愿望，大家就自己谂，相信大家谂到慨或希望慨都一定会得到。」
安歌时，伊健剖白心声︰「点解搞这个骚呢，呢几年见到大家戴口罩，脸上冇乜表情。我喺街遇到好多人，渠哋对眼好似睇唔到嘢，亦唔知身边慨人发生乜事，呢种感觉好难受。」说到这里，伊健激动得转身背向观众平复心情。他哽咽地续说︰「以前唔喺咁，大家会打招呼，有讲有笑。我于是开始谂我有乜可以做，我系一个艺人，要做番本分，一喺唱歌一喺拍戏。既然陈光荣慨作品可以打动大家，就开演唱会喇。人与人之间需要沟通，呢个系我小小心意，希望大家听得明。」
完骚后，伊健称最想立即休息，又强调他从不在演唱会上除衫，笑言汗水令上身衫变透视，比除衫更好看。被问到台上印有「Wilson」字样的篮球是否为怀念故友钱国伟，伊健避谈称没有含意，只是一件摆设。
