王镇泉结婚兄弟团｜袁伟豪担担抬抬出私伙赠老友 黄智雯唔急结婚想玩即兴
TVB娱乐新闻台主播王镇泉与圈外女友Vanilla拍拖年半时间，去年底宣布求婚成功，今日拉埋天窗举行婚礼，兄弟团包括有袁伟豪及黄智雯，而圈中好友谭俊彦、朱晨丽、陈炜、汪明荃及江美仪等到贺。
今日为王镇泉担入「兄弟」的袁伟豪表示并没有刻意挑选礼物：「礼物就系做渠兄弟，（高歌一曲？）睇情况啦！我就想帮轻吓渠，所以喺屋企搬部琴出嚟，帮渠队Band set up吓！」袁伟豪还透露今晨看见新娘子进场时感动落泪：「阿外父大人同新娘子出嚟慨时候，我就谂返起当日我哋（和张宝儿）结婚，我自己都喊呀，忍唔住，鼻酸一酸就拧转头，呢啲画面太感动喇。」
另一方面，原来袁伟豪和张宝儿亦有见证王镇泉求婚，张宝儿更大赞王镇泉做事认真为有兼顾到细节。袁伟豪说：「大家互相帮助和策划，所以合成咗今日都成为渠慨兄弟之一。」
黄智雯：「我哋慨友情系好自然，平日冇话特登约出嚟食饭倾偈，但有啲咩事例如我有剧集有专访嗰啲渠都会好撑我，今日系渠人生重要慨日子，所以我都好支持渠呢个兄弟。我以为做兄弟有好多搬搬抬抬要做，点知今日个个兄弟都好健硕，叫我坐喺度同人影吓相，得闲过做姊妹，好舒服。」问到黄智雯可有被催婚？她笑言会慎重考虑，但笑言如果要行动都会比较即兴，最紧要是双方开心。
