星岛网：陆焕恆排骨变40吋胸肌男全因张家辉 《隐形战队》反恐大隻仔
参加TVB2020年《衝上云霄大选》夺得季军的陆焕恆（Godwin），在《隐形战队》饰演反恐特勤队成员“冯进”，有大量着紧身Tee操练的场口，身材健硕的他大派用场。原来178cm的Godwin曾经是120磅的“排骨仔”，见到《激战》中的张家辉，燃起心中一团火，发奋狂操变40吋胸肌型男。撰文：杜杜
Godwin在加国大学毕业即返港做空中少爷，无心插柳下参加《衝上云霄大选》，自知跳舞唔掂，更冇谂过得奖，“成功入围有5千蚊咪试吓，点知真係入到围先同屋企人及女朋友讲，最初只係谂住试吓，决赛时跳舞又有甩漏，真係冇谂过可以攞到季军。”
变大隻惹狂风浪蝶
现在Godwin一身结实肌肉，原来他足足花了8年时间操练，“我喺加拿大读书时只有120磅左右，但我有178cm高，成日俾人笑排骨仔，但睇咗张家辉《激战》后，好欣赏佢身形，佢嗰时都接近50岁都可以做到，于是上网睇片自学健身，慢慢见到啲衫开始唔啱着，开始有成功感就继续操，最后愈嚟愈有兴趣，仲想帮到更多人，咪考埋健身教练牌。”
Godwin承认变大隻后，多了很多狂风浪蝶，不论香港定外地、男女都有，不过自言不随便的他会客气婉拒，参赛时更公开已有化妆师女友Joey 。
虽然《隐形战队》戏份不多，但Godwin认为是好好学习机会，而且演到反恐特勤队很兴奋，“係我第一套剧，第一次演戏，好新鲜亦学到好多嘢，最难得可以着住制服揸枪演出。”对于未来，Godwin希望继续演纪律部队角色，特别是消防员，“以前睇《烈火雄心》，觉得消防员衝入火场救人好有型，现实真係唔会有机会接触都好想试吓。”
