明报OL：厨房新手游嘉欣吓窒李家鼎 肥妈︰阿爷淨係惊你
肥妈（Maria Cordero）、李家鼎（鼎爷）及游嘉欣主持的全新饮食节目《肥妈李鼎》明晚（24日）首播。肥妈以“平靓正快”见称，鼎爷则擅长细緻的传统功夫菜，两人首次合作，每集会配合不同主题，一边煮餸一边交流“八卦经”。第1集的主题是“厨神的诞生”，两人将分享他们如何走上厨神之路。肥妈透露源于一味“煎封鲳鱼”︰“嗰时好兴私房菜，有人叫我去睇吓人哋点煮，帮手做吓介绍，点知去到等咗两个几钟，佢话要等工人返嚟先煎得，我就话我帮你煎啦。佢问我得唔得㗎，我就话边个阿妈唔识煮饭。跟住我对住镜头一路煎一路讲一路食，煮完拍出嚟好受欢迎，之后就煮到依家！”
鼎爷由武术指导兼演员变身“教煮”，伯乐竟然是无綫高层曾励珍。他说︰“当年有个曾励珍监制嘅处境剧《香港’82》，要拍一场食饭戏，点知道具餸出咗事，有人食完又疴又呕，嗰味係萝卜炒鱼鬆。阿珍（曾励珍）话咁叻你煮吖，我话我惊你呀，煮咪煮囉，阿珍食完之后佢就记得喇。30年后，拍咗个《男人食堂》，你知我把口唔识停，同肥妈差唔多。佢哋话见我几Talk得，阿珍就叫我不如煮嘢食啦，咁就整咗个《阿爷厨房》出嚟。”肥妈即笑言：“珍姐呀！阿珍，冇大冇细！”肥妈追问鼎爷爆红后的感觉，鼎爷形容是“人情冷暖，世态炎凉”。
跟两位厨神学艺的游嘉欣是节目中的“气氛担当”，闹出连串笑料。她在节目中化身问题少女，不时向肥妈、鼎爷问刁鑽问题，令两人口哑哑；又分不清糖和盐、切材料时被嫌手脚慢，挞虾胶时又被嫌力度不足。鼎爷投降说：“真係怕咗你！”肥妈笑言：“阿爷咩都未惊过，连珍姐都够胆叫阿珍，佢淨係惊你！”游嘉欣被问到在节目中的表现是节目效果还是本色演出时说︰“係我真实演出，全部乌龙嘢係好突然发生嘅，煮嘢食过程唔会Cut，都係做番平时嘅自己。可能我係比较多问题嘅一个人，所以好多时都会好好奇咁问问题，有时又会口快快讲错嘢！”
