明报OL：张学友曾计划移居加国 放不下香港情放弃申请
TVB《马时亨‧香港情》昨晚首播，第一集嘉宾是张学友与港台前助理广播处长张文新。学友在节目中公开当年为何突然转去拍戏的原因：“都係被迫嘅。做到去第4隻唱片时开始迷失，唔知点做，因为1年要做2、3隻碟，10隻歌里面个目标只係1、2隻歌Hit到，其他只係求其充数。我觉得呢个係致死原因，因为到最后啲人唔信你，10隻歌得1隻听得嘅，仲要嗰隻要中喎，边有咁多神仙？咁你咪死囉，死1隻碟、死2隻碟，啲人开始唔听你喇。嗰时销量由20几万，然后到10万，跟住去到2.5万，跌得好犀利。我嗰时觉得‘死喇，唔掂’，我係家庭最主要支柱，我要搵收入来源，啲人搵我拍戏，我就真係乜都接㗎喇﹗”
谈到当年曾推出一张全创作大碟，学友透露是因为当时心情不好：“嗰隻碟2003年做，当时社会环境唔好，好多朋友走咗，所以我写咗隻《给朋友》。嗰段时间想做啲嘢反映心情、安慰自己。”
张文新说他听闻有制作单位出动9位天文数字报酬，仍未能打动学友担任歌唱比赛节目的评审及导师，学友大方承认：“我自己比赛出身，觉得比赛好唔容易，够胆企上去唱已经好犀利，所以唔忍心话呢个唔得、嗰个唔得。而且，去做导师或要教唱歌，我唔知点样教。你可能会话：‘你唱咁多歌，唔识教？’我真係唔识，因为本身唔係正统学唱歌出身。”
他认为从前做歌手主要靠运气，现在做歌手必须具备有系统的支持。学友说︰“依家有咗韩国嘅例子，佢哋係有系统去培养新一代，仲成功将成个国力提升咗。人哋做紧嘢嘅时候，我哋仲喺度食紧老本。”
学友还在节目中透露曾计划移民加拿大，但最后不捨得香港而放弃申请。他说︰“我喺呢度出世、喺度大，喺香港得到我所有嘅嘢，我唔可以控制别人同下一代点谂，因为每个人经历唔同，但我自己嘅经历一路都喺呢度。20、30年前，有人提议移民，我上过去加拿大领事馆，嗰时话申请好易嘛。上到去，坐喺度一谂到以后要对住嘅全部都係外国人，个心就顶唔顺，又走咗。我係裙脚仔，黐住喺嗰度就嗰度，对香港嘅感情真係放唔低。”
