明报OL：一舞倾城｜杨明除衫骚肌 跟蔡洁拍亲热戏唔尴尬 冇同女友备案
剧集《一舞倾城》今晚（29日）一集将上演激情戏码，暗恋Monica（蔡洁饰）的志飞（杨明饰），在Michelle（姚子羚饰）推波助澜下，成功约会Monica，2人意乱情迷下发生一夜情；惟Monica事后对志飞有所避忌，似是未能走出失恋阴霾。
蔡洁、杨明于这场近1分钟亲热戏，两人化身人肉风火轮转住嘴，由门外咀到上牀，相当肉紧。讲到这场戏，杨明受访时说：“其实都冇乜尴尬，因为大家都入咗行咁耐，都明白拍戏係咁，蔡洁好专业，而我亦都有呢类戏嘅经验，大家都沟通好，事前都试咗几次位，务求用最少Take数完成呢场戏。”
问到事前有否向女友庄思明备案？杨明笑言：“都唔使备案，因为思明有份拍呢套剧，剧本佢睇到晒，佢知道有呢场戏，但都会同佢讲声边日拍呢场。最好嘅係另一半都係演员，佢会明白係咩一回事。”
讲到剧中有除衫骚肌画面，杨明坦言事前做足准备：“因为唔想肥腾腾咁，所以拍摄前都有做掌上压、引体上升泵胀啲肌肉，亦有听前辈分享话拍之前要收水，希望啲肌肉唔好咁鬆散。”
