明报OL：隐门｜吴岱融继“鹫哥”后又一力作 演叶啸天劲辛苦兼压力大
由陈展鹏（煎Pan）、黄智雯（Mandy）、汤洛雯（靓汤）、刘佩玥、吴岱融、阮浩棕、黄子恆、鲁振顺、袁镇业、卢苑茵等合演的《隐门》，今晚（29日）8点半翡翠台播映。
《隐门》故事围绕十恶不赦的贼王叶啸天（吴岱融Hugo饰），如何影响女儿张心月（黄智雯饰）一生。剧集开播前，除3位主角煎Pan、Mandy及靓汤，宣传核心还围绕大狠角叶啸天。继《巨轮II》及《黄金有罪》，Hugo和监制王心慰（Amy姐）今次是第3度合作。
谈到之前二人携手炮制的“鹫哥”，凭“贱得嚟有型”爆红，角色金句更是传诵至今，Amy姐笑言今次专诚为Hugo度身订做叶啸天一角，又大讚Hugo今次爆Seed程度，直达天花板境界：“之前佢拍《巨轮II》，我喺现场睇已经觉得佢表现超出我预期，然后我一直觉得佢有潜质再爆上去。”
TVB官方发布一条以叶啸天“狠样”及“暴行”为主打的宣传片，除可一睹吴岱融各款狠样，还率先看叶啸天虐待心月过程，包括箍颈、撼头埋牆及连环掌掴等。其中一幕叶啸天服刑期间，发狂咬甩囚犯耳仔一幕，据知更因尺度问题，出街前决定剪掉；虽然如此，Hugo目露凶光兼青筋尽露的表情，相当好戏。
Hugo受访时坦言，今次演叶啸天辛苦之馀亦大压力：“成日要将个转数Tune到好高，同埋真係打得比较多，所以有啲压力，自己演绎呢个角色好多时係扯到行晒，好似睇咩都唔妥咁，係好玩嘅，但亦真係需要大量体力。”
Hugo又指叶啸天与“鹫哥”大有不同：“高天鹫係有钱嘅恶人，叶啸天係冇钱嘅恶人，因为冇钱佢发晒癫、不择手段，仲要好丧。”Hugo透露最难忘场口是临尾险遭煎Pan活埋，并透露拍摄时虽然辛苦，但当见到爱儿在现场为自己拍摄剧照时，顿时暖在心头。
谈到应付大量动作场面，Hugo笑言全靠平时有练体能：“我一路以嚟有踢波同Keep住1小时慢跑，仲会拉筋，拍嘢时又会做多啲按摩咁，同埋Amy姐好体恤，搵咗个60几岁嘅替身畀我，等我有机会抖下。”
