星岛：新晋咪神陈欣茵突然宣布离TVB！约满变自由身 自爆“单身”要有新开始
TVB“J2ers”陈欣茵（Yanyan）在2018年10月加入J2 节目《后生仔倾吓偈》，到了2021年签约成为TVB“亲生女”，本来发展不俗的陈欣茵，昨晚（4日）在社交平台突然宣佈与TVB结束5年宾主关係！她在长文中适逢9月是新学期，她亦有新开始和新身份：“嚟紧想呈现不一样耳目一新嘅‘陈欣茵’！”
陈欣茵昨晚出PO称“有重要事情宣布”并说：“我单身了！！！ 讲笑，陈欣茵自由身了！係旧公司嘅合约正式完结。好多谢公司过去五年给予嘅机会，开头误打误撞入行加入咗《后生仔倾下偈》拍综艺节目开始做主持 继而入咗《学是学非》 做是非精。到Jade拍剧做演员客串《爱回家》 到拍《痞子殿下》，第一次著古装，继而J2开台，拍咗好多我自己都好钟意嘅节目《舖舖poker》、《逝者代言人》 三个饮食节目等等，都係我冇预计过会行嘅路。喺而到认识到一班好好嘅朋友，一直好照顾我嘅前辈，一直好包容我嘅幕后同事，一直提点提携我嘅监制导演，最紧要係一路支持我演出嘅观众。”
收到大家正面comment
陈欣茵还说不论演员、电视节目主持、活动司仪、婚礼MC，收到大家正面comment，她说：“都係话每次见到我都觉得好欢乐呀、开心果呀、搞笑呀、贴地呀，够真性情等等等等，当然好嘈呀，把声好烦呀好尖等等嘅意见，我都照单全收，亦有认真努力改善同进步。无论好坏意见都由衷感激，因为呢一切都係好代表到我嘅性格同character，正正呢五年係81 82台印证咗我青春嘅足迹，每一位观众都见证住陪住我成长，先至有大家呢一刻认识嘅‘陈欣茵’。”
梦想在幕前发光发亮
最后陈欣茵表示在幕前发光发亮，一直是自己的梦想：“但毫无牵绊地享受生命，係终极嘅人生意义，所以好希望可以自由自在咁去追梦。适逢9月新学期、 新开始、新身份，嚟紧想呈现不一样耳目一新嘅‘陈欣茵’俾大家，继续自省、继续追求进步，希望自己会喺唔同平台俾大家见到，未来会尝试喺更多未知嘅领域 ，例如电影、广告，Hope for the best，更多嘅机会俾大家见到我嘅作品，当然正式跳出框框，不论你我都需要时间适应同习惯，所以我会努力拍多啲片俾大家睇！”
