炎明熹《Little Magic》登叱吒榜首成4台冠军歌 预告2场个唱嘉宾位有惊喜
炎明熹（Gigi）的首次个唱《炎明熹Gi-FORCE演唱会》将于下周六（10月7日）开锣，连日来忙于排练的她今天（30日）收到好消息，6月尾推出的歌曲《Little Magic》继中文歌曲龙虎榜、新城劲爆流行榜、劲歌金榜后，也登上商台903专业推介冠军位置，成为她的第一首903专业推介冠军歌。
Gigi说︰“当日收到《Little Magic》呢首歌，有少少担心歌迷会唔会接纳，因为隻歌好少女味，节奏好轻快，同我本身个形象唔太夹，加上我换咗另一种唱腔，惊大家唔认得我把声。”
首次成为四台冠军歌得主，Gigi归功于一班幕后团队：“要多谢作曲嘅J.Arie、填词嘅雷暐乐、监制陈考威、编曲Sea Travel，当然仲要多谢公司上下，落力为《Little Magic》宣传嘅所有同事。”
虽然唱少女风作品获歌迷受落，Gigi对日后会否多唱这类歌有保留︰“我仲係新人，应该尝试更多唔同嘅曲风，慢慢摸索自己日后嘅歌路，所以唔同嘅曲风同音乐人，我都想尝试同埋合作，正如嚟紧我嘅演唱会，特别搵咗两位我好欣赏嘅前辈做嘉宾，两个都係第一次同台合作，我自己都好紧张，但我相信大家会有惊喜，希望歌迷会喜欢我呢个安排。”
