明报：炎明熹为尾场个唱延期抱歉 相信上天安排：下次做得更好
炎明熹（Gigi）原定昨晚（8日）在九展Star Hall举行尾场《炎明熹Gi-FORCE演唱会》，由于受颱风“小犬”影响，主办单位昨晚宣布个唱将延期举行，并呼吁持有昨晚尾场门票的观众，请保留完整门票，留意大会公布的演唱会后续安排事宜。
Gigi昨晚亦在社交平台声音导航感谢大家支持，她说：“我係炎明熹，好想同第二场观众衷心讲一声非常抱歉，因为颱风关係，冇机会睇到我演出，我都知道好多朋友专登喺世界唔同地方，飞嚟香港睇我表演，令你哋失望我都好唔开心，因为我希望每一位朋友﹑每一位支持我咁耐朋友，都可以睇到我第一次表演。
喺噚（前）晚5 part表演，每一part我都印象深刻，首先就係大家畀我力量，其次好多谢乐队嘅老师们及跳舞嘅老师们，畀到我一个咁好嘅谂法，然后好多谢噚（前）晚嘉宾大GiGi（梁咏琪），估唔到我前排唱咗GiGi嘅《我锺意》及同Felix（林智乐）合唱嘅《短髮》，之后我有机会见到真人，非常荣幸亦都好开心。
最后我想讲虽然今次演唱会有好多地方做得唔足够，但我相信喺上天安排，畀我有更多时间准备好自己﹑装备好自己，等我下次再开演唱会时，可以做得更加好，正如第一晚演出，我喺台上讲过，虽然我唔知道我Fans陪我行几耐同行几远，但我会承诺大家，会做一个你哋值得支持嘅歌手炎明熹。”
