明报：连诗雅入场撑《扎职2》 陈家乐“醋”爆：佢支持佢偶像黄宗泽
黄宗泽（Bosco）、张继聪、陈家乐为有份主演的电影《扎职2》连跑7场谢票。早前陈家乐老婆连诗雅（Shiga）于社交平台限时动态，上载一幅戏院内播放完电影《扎职2》的相片，相片中除了有老公陈家乐，还有另外两位男主角黄宗泽及张继聪，Shiga在限时动态写上“预祝票房大卖”，明显捧家乐场，劲sweet。
家乐随后亦转发太太限时动态，更说“多谢支持，好似第一次黎（嚟）睇有我既（嘅）戏”，以为互动好sweet，不过家乐接着又写“定係睇你偶像？你自己知自己事啦﹗”语带醋意呢﹗
谢票当日，家乐表示之前Shiga并不太喜欢看他的戏，首映当日是首次入场看他主演的电影，“因为可能我多数嘅戏都係爱情片，今次难得嘅一套江湖片，我係冇感情线，所以佢就好主动话要嚟睇啦。”
但随后又觉得她并非捧自己场，笑说：“其实佢係嚟支持佢嘅偶像Bosco，佢係好锺意睇Bosco嘅戏，佢一瞓唔着觉，就会开电话、开电视睇Bosco嗰啲剧，《溏心风暴》1、2、3，所以我都好熟Bosco㗎啦，好似同佢成日见咁样。”
问他会否呷醋？家乐直言没有，因为他亦有自己偶像，“咁唔通佢又呷醋咩？唔紧要吖，佢咪嚟睇囉，最好叫晒佢啲亲朋戚友、fans去睇，支持套戏就得㗎啦，《扎职2》加油！”
问到黄宗泽是否认识“陈太”，他表示之前曾为Shiga网上节目《丝打围炉》任嘉宾，接受过她访问，他说：“嗰阵时佢都有同我讲，佢话佢好锺意睇我嘅戏，我有问佢：‘咁家乐知唔知㗎？’佢话梗係知啦！佢话：‘𠵱家最爱我老公！’两个成日喺我面前晒命，show恩爱！”首映当日Shiga专诚捧场，Bosco笑言要多多支持，“既然陈太咁捧我哋场，应该自己揞荷包用佢老公名义买10张飞，用我名义买5张，支持我哋。”
