罗子溢帮老婆拣肉搏对手 王敏奕唔敢谂视后：观众投入我已好满足 | 香港01
《婚后事》本周进入结局篇，一众主演包括罗子溢、陈自瑶、王敏奕、黎诺懿、罗天宇等（17日）现身宣传活动。
比起剧情，戏中一幕又一幕嘅亲热戏似乎更多网民讨论。王敏奕在剧中为留住罗子溢，不时抛身色惑，讲到上星期伸手入罗子溢裤头一幕，罗子溢表示大家相识多年，所以绝不尴尬。“镜头睇好衝击，但其实位置係偏离航道。”王敏奕表示老公未睇到呢一幕，但亦唔担心对方会嬲，因为大家都係演员，希望做出该有嘅效果。
剧集播出后，罗子溢与王敏奕早年在《Y2K系列》合作嘅片段遭网民“出土”，王敏奕笑言当年在剧中是一名迷妹，而当时仲读紧中学嘅佢仍未入行；罗子溢对当年嘅王敏奕印象十分深刻，因为她每次开工都係著白色校裙。
王敏奕凭Mira一角获封最靓小三，网民又话“欠佢一个视后”，但同样“欠一个视后”嘅仲有陈自瑶，王敏奕谦虚表示每个演员在剧中都有好好发挥。“无一个批判性话绝对好定坏，每个角度都有表达嘅嘢，对演员嚟讲係好爽，观众咁锺意同投入就係我最大满足，我已经觉得赢咗。”
问到如果老婆杨茜尧将来接到类似剧本，罗子溢笑言会帮手拣男主角。“我会拣罗子溢，哈！其实嗰时佢拍《家族荣耀》同张智霖有场床戏，我当时都有同佢讲：‘我同老婆倾过，如果要拣都拣你。’”
