星岛：杨梓菁唔会公开BB爸爸身份 疑患产前抑鬱狂行楼梯催生
杨梓菁（Wiyona）早前突然宣佈已诞下B仔Jace，并解释非刻意隐瞒升呢做妈咪，只因意外怀孕后情绪出现问题，疑患产前抑鬱，产后伤口又发炎，才于囝囝4个月大公佈喜讯。对于囝囝爸爸身份，Wiyona跟圈外男友有共识将不作公开，暂未有结婚计划的她，期待囝囝未来做花仔行婚礼，她正努力操fit身形，计划全面复工。
採访：杜杜 摄影：朱伟彦 首饰:@marylyn.style 场地:No.2
Wiyona跟圈外男友意外怀孕，初次陀B令她压力超大，情绪更出现问题，疑患产前抑鬱，“最初唔记得有咗会撞亲，之后就太担心成日谂啲负面嘢，BB会唔会突然冇心跳？脐带绕颈？好想佢快啲出世。”
她试过突发脾气大闹朋友，“朋友话‘你做咩成日催BB出嚟，住耐啲好凑啲㗎’，难听过粗口，我好恶咁话‘又唔係你陀，你试吓陀吖’。”为快点生B更用尽方法，“听过行楼梯有帮助，屋企隔篱有条400级楼梯，就叫阿妈陪我每晚行5、6转，但冇用，BB都要催生，较预产期迟1日出世。”
Jace出世时重8.2磅，Wiyona本打算顺产最终都要开刀，但因她睇少这一刀，结果搞到伤口发炎，“以为坐月喺屋企就得，冇概念要真係休息，成日走去抱BB，郁动好多，伤口成日摺埋咗就发炎，有血水流出嚟，要打麻醉针洗伤口，真係痛不欲生，又上奶胸又痛，夜晚冇陪月又要4个钟喂一次奶，好想打晕自己瞓返觉好。”
正因忙于照顾BB及身体，她暂未有计划跟男友结婚，“结唔结婚有冇嗰张纸其实冇分别，或者迟啲先，唔使咁急，我都期待结婚，谂过个仔做花仔嘅画面都想喊，都想有日可以实行。”她跟男友有共识不会公开其身份，“佢係专业人士，唔方便喺报纸杂志出现，唔想影响到对方。”
Wiyona希望事业同家庭取得平衡，“keep住做嘢係keep返自信同价值，与时并进先可以教仔，唔可以成日屈喺屋企，全世界得个仔。”不过她暂时未能跟囝囝分开太耐，“BB 4个月时，有套剧要返内地拍10日，BB太细而推咗，到佢1岁应该可以飞，近嘅可以带埋佢去都得。”她已开始操返靓身形，“好耐冇做运动肌肉都流失，依家要慢慢操返fit，拍打戏都冇问题。”
