星岛：J2患癌主持文颂男完成化疗 撰千字文交代病况：活得好冇尊严
J2主持文颂男去年12月自揭患罕见的尤文氏肉瘤（Ewing’s Sarcoma），需要停工休养。日前文颂男终于再度亮相《不正常爱情研究所》，不过原来也可能是他最后一次录影该节目。文颂男今日再在IG撰写长文，透露已经完成第一阶段治疗，可惜经历五次化疗后，肿瘤不但未有缩小，还反而变大。
文颂男化疗后肿瘤反变大
文颂男今日在IG贴出身穿病人服，坐在医院内的光照片，相中见他没精打采，似乎忧心忡忡。文颂男撰写千字长文，讲亦第一阶段治疗的结果：“做咗五次嘅化疗，但係治疗无效。照咗磁力共振，发现个肿瘤唔单止冇缩细，仲变大咗少少。”
文颂男直言每次化疗就像经历生死：“体上好难受好辛苦，而且所有毛髮都甩晒，个样好似妖怪咁，到后期仲开始痛返。我真係觉得好无奈，好似咁辛苦但係完全冇意义。”文颂男透露医生对他说肿瘤变大：“最后一次化疗都唔好做喇，准备做电疗啦。”当时心情犹如跌入深渊。
文颂男自揭排泄出问题
文颂男对病情亦感到非常担忧：“我真係好惊，感觉距离死亡又近咗一步，而且可能唔係死咁简单，係会死得好痛苦。”他表示下肢、盘骨附近位置越来越痛，连吗啡亦无法舒缓，身体更会不自主抽搐，某些部位变得麻木，就连排泄出问题：“开始有种感觉係‘我活得好冇尊严’，因为行动不便、痛，每日都係喺屋企对住四埲牆，几乎零社交、零工作，每日都活得好似好无意义咁。我成日都好惊，好惊可能临死前会半身不遂、全身插满喉管、无时无刻都伴随住巨大嘅痛楚、意识唔清醒又表达唔到自己。”言语间充满不安。
经历过不少辛酸的文颂男慨叹道：“喺我以为终于生活可以稳定啲嘅时候，又畀咗呢一个难关我，而今次我觉得我真係控制唔到，冇办法靠自己去解决。就算我想放弃，但其实根本唔知可以点放弃。”更表示现在病到每日度日如年：“唔知几时可以开始电疗、几时先可以舒缓到我嘅痛楚，我只係盼望可以快啲唔痛。我真係觉得好攰、好攰、真係好攰。”
文颂男仍乐观对抗癌魔
不过文颂男依然乐观对抗癌魔：“我仍然好努力对抗呢个病，即使几唔想食嘢，都逼自己食；即使几痛都好，都逼自己要郁吓，唔好畀啲肌肉退化得咁劲。”更决定活在当下，享受现时仍然拥有的一切：“呢段时间虽然我喊好多，但喺可以笑嘅时候，我放声笑；想讲咩嘅时候，尽情去讲，唔会再收收埋埋，因为有啲嘢，而家唔做，以后唔知仲有冇机会做。”
不少网民都留言为文颂男打气，文颂男亦统一回覆：“好多谢大家嘅留言，我全部都有睇晒。我一路睇一路喊，觉得好感动。真係好多谢大家嘅鼓励，我估唔到咁多人都爱我、支持我。虽然大家嘅言语帮助唔到我肉体上嘅问题，但係都会化成我心入面嘅动力。多谢大家！”希望文颂男能够成功战胜癌魔，早日康服，回归幕前演出！
