晴报：中年好声音2丨黄剑文密密开LIVE唱歌陪歌迷
三隻爱猫轮流曝光劲可爱抢晒镜
《中年好声音2》中，黄剑文在网上投票上获得票选三甲的位置，可惜最终未能凭人气打入最后三强，最终在比赛中止步，不少网友都戥佢感到可惜。黄剑文没有失望，他直言在声线不在状态之下已经表现得最好，无悔无怨。
完成比赛后，剑文都没有放弃，连日来在屋企不时拉埋好友们一齐开网上直播唱歌，以歌会友，期间他家中的爱猫意外曝光，原来剑文是三隻猫咪的爸爸。
黄剑文是爱猫之人，IG经常都见他分享跟猫咪的生活日常，近排密密开直播唱歌的他，猫猫都有意外在镜头曝光，不少网友听歌之馀，更望实画面期待猫咪惊喜现身，非常搞笑。黄剑文家有三隻猫咪，两隻豹猫分别是Alpha同Omega、一隻雪豹叫细粒，牠们的身躯比一般家猫大隻，而且身上的豹纹非常明显易见，当剑文直播期间不时会在附近徘徊，剑文或者有时会抱起牠们不断“锡锡”同“吸猫”。
剑文接受本网访问，他表示：“我九至十年前已经Follow咗豹猫，觉得好靓好得意，心想养但冇谂住买，咁啱我朋友养嗰隻豹猫生咗BB，就问我有冇兴趣养，咁我就领养咗Alpha同Omega，而家已经1岁零10个月大，而另一隻只有10个月大，佢係女仔身形比较细粒啲，所以佢英文名叫细粒，英文名叫‘Little Love’。我觉得猫狗都係人类朋友，佢哋畀到我就係爱，所有爱都要建立，猫表达爱嘅方式都有，好多人觉得猫好高傲唔睬人，但豹猫係相对地热情，而且用时间同心机建立份爱。”
剑文的IG所见，跟一般的猫咪不同，他经常都会带猫咪出街，而且一齐行山，似乎猫咪都不怕人，他表示：“可能係我由细凑佢哋大，建立咗个信任关係，我睇过好多外国人养豹猫，都係会带佢哋出街，甚至游山玩水同雪地上跑来跑去，我见到佢哋係锺意，因为豹猫活力劲啲！当然每隻猫性格都唔同，Alpha会锺意行山，佢会带住我周围去，而Omega比较懒少少，所以唔会带佢行山，Omega行沙滩或者平地就可以。”
行完山或者去完沙滩之后，剑文都会为猫咪冲凉，由于猫不可能经常冲凉，所以他一个月可能只限出街一至两次，或者轮流出动，“佢哋唔怕人呀，有时路过有人想影合照，佢哋都冇问题，唔会出爪抓人。”
剑文感激Alpha、Omega同细粒的出现，事关之前一直饲养的两隻病猫分别去年和今年过世，两隻猫猫患肾病长达三年，“之前照顾佢哋两隻老猫，每日三餐喂药，加上早晚要打皮下水，所以精神状态麻麻，成日担心佢哋身体情况，搞到个人好唔开心。当时两隻豹猫嚟到，反而佢哋嘅活泼为我带来活力同快乐，反而照顾两隻老猫时候，心情会轻鬆好多。猫狗陪伴嘅力量真係好大。”
Alpha同Omega都算乖巧听话，剑文笑言乐器的声音较尖锐，所以牠们都似乎不太欣赏他在家中唱歌弹结他，但细粒就刚刚相反很享受。
