吴卓羲唔请菊梓乔睇首映：梗系买飞支持啦！
由吴卓羲（Ron）和汤怡主演的英皇新片《致命24小时》今晚（4日）于铜锣湾举行首映礼，吸引大批圈中人包括唐诗咏、薛家燕、许靖韵、李靖筠撑场，相当热闹。英皇主席杨受成带领旗下艺人合照时，陈国邦身处其中宣布加盟，而汤怡老公麦秋成特意请假前来支持太太，实行放闪。
Ron与汤怡受访，问到有否邀请绯闻女友菊梓乔出席？他笑说：“系支持嘅梗系买飞啦。（迟啲陪佢睇？）我今晚都睇，未必会睇多次，唔好讲呢啲嘢啦。”当闻得麦秋成拍剧可以请假，Ron即谓：“得嘅咩？以前我病咗，睇完医生都要即刻返去开工，一系快啲死，千祈唔好病。”
他自爆最高纪录试过7日冇瞓过：“真系得番个躯壳，完全谂唔到嘢，啲对白要逐句背，不过知道大家都好赶（戏），同埋我哋啲前辈、前前辈都系咁，你唔挨得嘅话就轮到下一个！（依家拍剧，会讲明休息时间？）尽量啦，依家年纪大，唔挨得。”汤怡亦表示拍《反黑路人甲》时，亦试过连踩3日。
