声梦CP︱潘静文张驰豪乐做萤幕情侣：粉丝好Buy！
《声梦》学员张驰豪（Aska）及潘静文（Sherman）接受TVB娱乐新闻台节目《StarTalk》访问，大谈成为萤幕CP感受。Sherman直言一度担心Aska粉丝不接受：“初初有啲惊Fans会唔锺意，好彩冇，佢哋仲帮我哋改咗个名叫‘SherKa’，我都几锺意呢个名，好开心Fans好受落！”
谈到二人首次合作拍摄剧集，Aska笑说：“《青春本我》首次剧本围读，导演讲我哋系一对，我同佢立即对望咗一吓话Ok，但去到拍摄嘅时候，我觉得最难系忍笑。”Sherman说：“演恋人嘅时候，我要幻想当Aska系我好迷恋嘅偶像先得。”
对于被指合衬，Aska大赞Sherman说：“佢好开朗，如果有一啲负面嘅事情发生或者抨击，佢好快就可以平复心情，而且佢又会令到大家好开心。”Sherman“回礼”，赞Aska几乎零缺点：“如果真系要讲嘅话，可能系我同佢咁文化好唔同，佢唔系喺香港长大，有时我讲嗰啲本地笑话，佢唔系好明白。”
最近二人合作写歌《你的晚安我的早餐》延续《青》剧角色，Aska谓：“呢个系林智乐（Felix）嘅主意，佢同我哋讲不如作首歌继续讲吓你哋嘅角色。”Sherman直言创作过程有很多得着：“个主旋律系我细细个同朋友一齐谂，大约10年前啦，我觉得几啱我哋呢一个角色同关系，咁我就拎咗出嚟交畀Aska，再延伸创作落去。”
