明报OL：郑裕玲忆年少时境况与白雪公主一样 余德丞曾删除留言被网民狙击
余德丞在社交平台分享他随郑裕玲（Do姐）夜游主题乐园的片段，两人在片段中交换礼物，又一同观看晚上的户外演出，最后更分享心事。
Do姐回忆年少时曾生活得不开心，她说︰“我见到头先有白雪公主喺嗰个骚，我记得我细个嘅时候，我妈咪带我睇白雪公主，呢个人物对于我都有啲启发。大家都知道我係单亲家庭嘅，你知白雪公主被后母恰，又赶咗佢出嚟。呢个人生其实唔係好开心嘅，等于我当时咁样。见到佢后尾认识咗七个小矮人，七个好好嘅朋友帮佢渡过好多难关，后来有王子惜番佢、救番佢。我觉得人生喺最唔好嘅时候唔好失望，往往有啲人对你有帮助，或者自己发奋嘅时候，一定係有弯转嘅，佢会变得更好嘅，所以头先见到个骚，见到白雪公主勾起我呢啲记忆。”
余德丞透露初入行时，未懂如何面对负评，曾因此闯祸。他说︰“有一日，有人喺社交平台上留咗一啲负面嘅评语，咁之后我就delete佢。咁就大件事啦，佢见到你delete，佢疯冚埋嚟呀，一百几廿万个咁，之后我就学识点样去面对。”
Do姐问他现在如何应对负评，余德丞说︰“咁就要学识点样分析呢啲评语，係正面嘅评语，定係一个恶意嘅攻击。如果係一个正面嘅评语，咁就要听一听对方想你有啲乜嘢要改进，吸收咗呢个经验再上路。”
