明报OL：郑欣宜尾场演唱会3度落泪 5度安歌满足粉丝
郑欣宜（Joyce）昨晚举行尾场红馆演唱会，获胡枫、罗兰、关心妍与丈夫、卢慧敏（Amy Lo）、云浩影（Cloud）、ERROR的梁业（肥仔）等捧场。Joyce在演唱会上三度落泪，她一开场劲歌热舞后，看到全场的热烈反应已眼湿湿。音乐总监何秉舜在台上以钢琴伴奏Joyce演唱《你是什麽时候开始不爱我的？》和《恐惧蚕食心灵》时，台上升起一个“小房间”四边落雨装置，一对男女舞者在房内演绎情侣又爱又恨的激情。Joyce唱完后向前排观众说︰“你哋有冇洒到水？有冇觉得自己喺主题公园玩水上过山车咁刺激？”
谈到今次演唱会的舞台灯光效果，Joyce说：“相隔9个月再开骚，我同公司讲要不惜工本，大家睇吓台边呢四条柱，叫做Ground Support，係英国口音，因为佢哋嚟自英国，好international同埋a little bit威水，好多外国歌手都会用呢种Ground Support，去做好靓嘅灯光效果，希望大家细心欣赏。至于坐喺柱边朋友唔使担心，我会行近你哋唱歌，当然老规矩係以欢呼声决定我行去边啦！”全场欢呼大叫“靓女”、“好索”，Joyce非常开心，做出心心手势互动示爱。演唱会尾声时，全场大合唱《女神》，Joyce忍不住眼泪。
尾场观众反应热烈，完骚后不肯离场，Joyce五度安歌。她换上个唱主题Tee及牛仔裤出场，全场大合唱《拥抱爱》。她落台后再被观众召唤，戴着帽和毛巾再出场唱《兄弟》。Joyce表示这首歌是其初出道作品，很有纪念价值。第三度出场时，Joyce希望唱一首有度假感觉的歌，让歌迷开开心心离场回家，于是唱出《懒人包》。不过，观众仍未肯回家，Joyce再出场唱《渺小》后，连乐手都离场。粉丝的热情呐喊令Joyce第五度登场，她清唱《上心》后说：“真係无歌啦，真係要认真地拜拜，一係咁，我再次约定你哋！”然后向全场飞吻落台。
Joyce骚后受访时，直言不捨舞台，因不够喉兼抵受不住观众欢呼声，所以数度上台，并有意举行巡迴演唱会。虽然舞台因设计了4条大柱而放弃过千座位，她说︰“值得，最紧要大家睇得开心。见到观众冇戴口罩嘅开心表情，大合唱时都唱得铿锵，好感动，忍唔住喊。我唔係喊咗好多次，进步好多。”谈到尾场没嘉宾，Joyce笑道︰“郑氏宗亲会，嘉宾咪郑欣宜囉﹗因为我想唱多啲，观众都想继续安歌。”
Joyce指爸爸郑少秋因不在港未能捧场，但有送上花篮及传短讯鼓励。她说前晚第2场因毛舜筠捧场而十分紧张︰“我好欣赏佢，初入行时曾经同佢一齐拍剧。佢第一次嚟睇我嘅红馆演唱会，我同自己讲要用尽饮奶嘅力做好个骚。”被问到隐形花店老闆男友可有捧场时，Joyce表示︰“第一晚Do姐（郑裕玲）做嘉宾时，我已答咗有拍拖，我同全场观众拍拖。总之爱我嘅人都有嚟支持，今日咁开心，唔讲呢啲。”
