杨柳青上环睇铺“撞邪”…

杨柳青上环睇铺“撞邪” 到文武庙还神求安心

香港疫情反覆,禁聚令更延后到年初三,健身室亦受到影响,去年在上环开设健身室的杨柳青,原来早前因租约期满已经停业,虽然避过第5波疫情一劫,但早前搵新铺时却疑碰上“污糟嘢”。

杨柳青最近同时拍摄3部剧集包括无綫的《法证先锋V》与《法言人》及一套英国剧集,但仍诚心地到上环文武庙还神,原来背后有段故事。日前下午她与友人到文武庙拜神,买了香烛后向文武二帝下跪,念念有词参拜,随后在庙内参观一番后便离开。

她接受电话访问说:“之前去上环睇铺位,突然间觉得好唔舒服,仲成身起晒鸡皮,好惊,觉得有啲古怪,就同朋友上嚟文武庙,喺门口倾偈坐咗成个钟,等到感觉好番啲,个心定啲先离开,今次系专登嚟还神。”

去年她在上环开设的健身室,因租约完结已经停业,由于客人支持,令她心急再找铺位重开,期间忙拍剧,感到相当大压力,她说:“啲客人、学生好支持,令到我好心急搵铺,有日行匀上环、湾仔、金钟,睇咗十几间铺,嗰排搞到成个人瘦晒。”她明白欲速则不达,故决定先拍罢手上剧集才再开铺:“谂通咗,唔好心急,否则就算开到铺,拍剧连瞓觉都冇时间,仲边有时间打理铺头。”




Leave a Reply

Your email address will not be published. Required fields are marked *