蒋家旻见过鬼怕黑 唔敢上敖嘉年屋企
TVB女星蒋家旻（Angel）自言感情路上曾相当冲动，拍拖“易来易去”，如今会比较慎重。对于早前与敖嘉年传绯闻，她强调是朋友关系，已没再去对方寓所，担心吓怕身边追求者。蒋家旻于无綫剧《双生陌生人》饰演“聪明女”，懂得运用人脉关系达到目的，得知何广沛对她情有独锺，但她感到“未系时候”而选择牺牲爱情，即使热吻后仍拒绝确定彼此关系。
谈到现实中的爱情观，她表示：“我喺热恋期会感性行先，但到分手期就会好理性。以前我好容易锺意人，依家过咗30岁好多嘢要考虑，追求爱情之馀兼顾嘅嘢亦多咗。”
回顾以往情路，Angel慨叹：“太快开始一段关系，试过1个月就一齐，然后先去了解，发现性格唔夹就分手。（你会闪婚？）唔会，我系冇乜安全感嘅人，起码要拍1年拖。（试过有结婚冲动？）冇，完全唔知好想结婚嘅感觉系点，但我唔系不婚主义者，都想有朝一日组织家庭。”
问到拣圈中或圈外人？她表示：“圈中人嘅话，记者、同事可以帮手睇住佢有冇出轨，除非佢想事业尽毁！圈外人就可以话畀我知外边嘅世界系点，教识我好多嘢，总之最紧要系对方内心够强大，明白我嘅工作。”
感激敖嘉年自揭私隐
提到早前与好友敖嘉年传绯闻，她强调：“冇开始过，好彩冇影响友谊，传绯闻后有互相问候。佢系个低调嘅人，但惊影响我嘅事业，连私事（离婚）都要公开讲。（仲有冇上佢屋企？）冇啦，其实以前都系同朋友去。依家太多‘标题党’，根本唔了解就去相信，我真系单身。（影响追求者？）有啲朋友都担心同我出街会被人影到，我惊人哋惊咗我，唔想同我了解接触。”
问到圈中哪位男神是她最想拍亲吻戏的对象？她笑言：“啱啱先同姜丽文倾过，我真系冇谂呢啲嘢。未入行前我好锺意森美，觉得佢顾家同成熟，但都冇谂过同佢咁样合作。”
