星岛网：中年好声音丨周吉佩自爆与老婆分房睡七年
新婚连诗雅发现重点：仲可以制造到细佬
周吉佩（吉吉）日前在TVB节目《中年好声音》爆冷获得冠军，他在总决赛前接受“虾头”杨诗敏与连诗雅的网台节目《丝打围炉》访问，大谈多年来的音乐路外，亦提到与港姐太太黄彦欣的关係。
周吉佩早前多次在访问中提到与太太曾因音乐有拗撬甚至吵大镬，接受《丝打围炉》访问时，仍未夺冠的周吉佩在节目中坦言已经在节目上得到最想要的东西：“就係有太太180度嘅转变支持。”
周吉佩在访问提到太太的转变：“佢初头係反对，闹交㖭，因为佢觉得我仲喺度发明星梦。”他表示当时先斩后奏报名，太太更是从好友曹敏宝口中得知他参加《中年好声音》的消息：“我仲记得我嗰阵喺老婆隔篱睇到个message，心谂死喇！”他提到早年曾瞒着太太签约唱片公司，后来影响到正职收入，当时太太更是正在陀第一胎，令太太对他大失信心，更伤到彼此的信任。
周吉佩指每次与太太谈到音乐都很容易起争拗：“我喺屋企都唔敢唱歌，以前有studio喺studio练歌，喺屋企完全唔出声，好似哑咗咁，从来冇喺屋企唱过歌，小朋友都唔知我係唱歌嘅。”
后来周吉佩在《中年好声音》一度被淘汰，之后他收到制作组电话，有机会重返节目，他形容太太此时“突然醒咗”：“我个人沉醉喺失落感，电话都唔想听，跟住我老婆行出嚟话制作组好似搵我返去，佢话嗰下佢觉得原来你条友仔都有人欣赏你㗎喎！”
周吉佩提到与太太在25岁订婚，28岁结婚不久就怀孕：“好快有小朋友组织家庭，虽然后生生小朋友有好处，但好想同太太有二人世界先有小朋友。”
他太呻现在已经没有二人世界，生B后更已经分房瞓长达七年：“我同我老婆分瞓房七年，好惨啊！我要投诉！因为我太太生咗小朋友后，母性突然大爆发，完全skip咗我，将我啲被铺掉去间细房，要我自己瞓，佢同小朋友瞓；由嗰日开始分房瞓到今日，七年几。”
周吉佩续言：“因为我生咗两个小朋友，第二个紧接第一个，个女7岁几，由个女第一日出世已经分房瞓。跟住我细仔出世，我而家细仔5岁，同我太太瞓同一间房，我就自己瞓，其实好唔开心㗎。”虾头、连诗雅此时却发现重点：“不过你哋都都有细仔喎，仲可以制造到细佬。”周吉佩笑说：“喺梳化嗰啲，哈哈”
