明报：孖林智乐潘静文 组限定组合开骚 张驰豪预告台上除衫骚肌
张驰豪（Aska）、林智乐（Felix）及潘静文（Sherman）将为全新一系列现场音乐会《音乐出没》打响头炮，3人从歌唱比赛出道，成为《音乐出没》系列首个演出单位组合，大会特以“First Jump”为题，3人落力跳足8小时，做跳跃动作拍演唱会海报。他们将于5月18日假海洋公园举行《音乐出没First Jump第一弹：Aska 张驰豪 X Felix 林智乐 X Sherman潘静文》，门票昨日（15日）已公开发售。
操肌弗爆的Aska在新歌MV以鱼网背心、透视恤衫演出，又出新歌又开骚，被力捧的Aska感到开心：“我拍MV之前已经比平时再爆Seed操肌同控制饮食。（操得太尽？）想将自己最好一面喺台上骚畀大家睇，报答Fans同大家嘅支持。嚟紧开骚我都继续爆Seed操，到时效果比海报更‘爆肌’! ”Aska还预告：“台上除衫骚Body冇问题，会构思其他大尺度的演出，𠵱家先卖关子。”
日前获炎明熹（Gigi）邀请任演唱会嘉宾的林智乐（Felix）则透露，已邀请Gigi睇骚：“佢（Gigi）本身都知我哋开骚，我喺后台有亲自邀请佢嚟睇。”Felix与Aska老友鬼鬼，早前连见偶像A-Lin自肥都一齐，大胆邀请对方听自己新歌：“当日仲撞到我哋《声梦》导师Gin Lee、泳儿同Janice，我有逐个邀请佢哋嚟睇骚，被公司同事笑我有铺‘邀请瘾’，去到边都邀请人，做咗人肉流动宣传，我都畀个叻自己！”
潘静文（Sherman）被问到怕不怕2男1女组成“嬲”组合，Sherman谓：“佢两个私底下甩绳马骝，希望去到綵排及演出时，唔会畀佢哋激到气绝，歌单方面想可以搵啲合唱歌，又或者有啲位可以合埋我哋3把声去唱。”
