明报OL：隐形战队｜林子善1集3场喊戏 又哭又笑经历情绪过山车
林子善在TVB剧集《隐形战队》中饰演的囡囡，因行动时被Ocean（马国明饰）开枪打伤膝头致失去左脚，被迫离开前线。《隐形》昨晚播出第20集，囡囡受伤的真相终于曝光，原来他当日心急邀功，不听指令行动。Ocean为了保存囡囡名声而一直食死猫，囡囡亦因为未能接受自己的黑暗面，一直记不起关键线索。
囡囡在昨晚一集得悉真相后情绪激动，青筋暴现兼满眶泪水，对住Ocean叫喊“你愈伟大，我就愈想搵窿捐”、“我宁愿你咩都冇做过”、“唔係我，宝宝就唔会同你分手”、“所有嘢都係我自己一个做成”。离开前，囡囡向宝宝（唐诗咏饰）、Cool Sir（陈山聪饰）等人爆Seed，求他们不要再跟住自己。
子善在这一集有3场喊戏，被江美仪饰演的Madam Fong戏弄，以及辞职一事弄假成真时要喊完再笑再狂欢，经历情绪过山车。他坦言《隐形》是从演多年来拍得最吃力的剧︰“有时一返到公司就要喊，但第2场要笑，第3场普通情绪，第4场又喊过，所以嗰段时间好辛苦，加上好多对白都係分析性，所以係咁多年最吃力嘅一套剧。一个礼拜总有4、5场喊戏，然后好多资讯要讲要记，好在唔使打埋咋﹗”
子善感谢监制（文伟鸿，Jazz）的贴心安排及帮助︰“有时情绪争少少，Jazz会叫我培养吓情绪先，因为喊戏好多时要喊成个钟，唔係一次过拍晒，有时要分机位拍。Jazz好好，会拍晒我啲喊戏先，wide shot之后先补番。佢好惜演员，同佢拍动作戏、悲情戏好放心，只要你做足功课有听书，同佢拍戏会有所提升，所以TVB好多演员都好想拍佢啲嘢，因为有得着。”
刘佩玥早前接受《东张西望》访问时指子善很会哭︰“我哋围埋一齐睇第一集时，子善见到自己医院嗰幕戏，竟然喊到要走出去平复情绪，佢真係好可爱。”
