星岛网：黎燕珊感动享受不用脑之旅 仔女请东京旅行庆祝59岁生日
刚过去的5月20日是黎燕珊59岁生日，她开心登六前最后一个生日，获大女咏诗（Wynce）和细仔德权邀请到东京旅行庆祝，同行还有未来女婿健仔。珊姐原来已跟仔女相隔15年再一家三口去旅行，现在仔女已识为她安排一切，兴奋之馀亦很感动。採访：杜杜
珊姐最初都担心这个生日之旅未能成行，因她有剧在身怕难度期，“我客串紧《新闻女王》演何依婷妈咪，又准备开《逆天奇案2》，都担心未必请到4日假，好彩最尾起行前公司都批咗，唔係就浪费晒啲仔女嘅心血。”
珊姐笑言此行完全不用用脑，因一切仔女已为我安排好，令她玩得舒服又安心，“Wynce佢哋真係安排得好好，我哋去咗富士山附近玩，有得浸温泉，又可以睇花田嗰啲靓风景，佢哋知我唔食牛肉同好多肉，都预备其他嘢畀我食，未来女婿健仔亦都好乖，提议自驾游等我可以玩得舒服啲，所以呢4日我真係唔使点用脑，淨係食同玩咋！”
惊觉仔女已长大
回想上次一家三口之行，原来已是15年前，珊姐惊觉一对仔女已长大成人，“上次我一个带佢哋两个去玩，咩都要自己去搞真係好忙好攰，今次佢哋已经识得照顾返我转头，佢哋都大个晒。”原来囝囝将被派到英国工作，令珊姐特别感触，“梗係唔捨得啦，虽然阿仔之前都去过外国读书，都24岁咁大个，但係做妈咪都係会担心嘅。”
珊姐已计划明年六十大寿可能会到英国一齐庆祝，“佢飞唔到返嚟，我咪去英国搵佢一齐玩囉，之后我有时间放假或者都会去英国住吓，但移民就唔会谂，我都係锺意香港生活多啲，同埋我仲係好锺意演戏。”
